Rusiya prezidenti Vladimir Putin Çinin ən yüksək vəzifəli diplomatı, Çin Kommunist Partiyasının Xarici Əlaqələr Mərkəzi Komitəsinin direktoru Vanq Yi ilə görüşüb.

Moskvada Kreml sarayında keçirilən görüşün əvvəlində çıxış edən Putin Rusiya ilə Çin arasında əlaqələrin davamlı şəkildə inkişaf etdiyini bildirib.

İki ölkə arasındakı əlaqələrin hər sahədə irəlilədiyinə diqqət çəkən Putin, “Rusiya ilə Çin arasındakı əlaqələr əvvəlki illərdə planlaşdırdığımız kimi davam edir. Hər şey gələcək istiqamətlidir və biz yeni mərhələləri geridə qoyuruq”, dedi.

Rusiya və Çin arasındakı əlaqələrin beynəlxalq aləmdə əhəmiyyətini vurğulayan Putin, “Bu gün ikiqütblü sistemin dağılmasından sonra beynəlxalq əlaqələr heç də yaxşılaşmayıb. Çin və Rusiya arasında əməkdaşlıq beynəlxalq vəziyyəti sabitləşdirmək üçün son dərəcə vacibdir”, dedi.

2024-cü ildə iki ölkə arasındakı ticarət həcminin 200 milyard dollara çatacağını gözlədiklərini ifadə edən Putin, sözügedən həcmin keçən il 185 milyard dolları keçdiyini vurğuladı.

Rusiya və Çinin Birləşmiş Millətlər Təşkilatının Təhlükəsizlik Şurası, BRİKS və Şanxay Əməkdaşlıq Təşkilatı ilə əməkdaşlığını davam etdirdiyini açıqlayan Putin, Çin prezidenti Şi Cinpinin tezliklə Rusiyaya səfərini gözlədiklərini bildirib.

Ülkər Piriyeva