BAKI, 23 fevral — Azadmedia.az.
Cənubi Koreyanın simsiz rabitə texnologiyalarında liderlik etmək üçün 2028-ci ildə 6G infrastrukturuna keçməyi planlaşdırdığı bildirilir.

Cənubi Koreyanın Elm və İnformasiya Kommunikasiya Texnologiyaları Nazirliyinin bəyanatında, bildirilib ki, “K-Network 2030” layihəsi çərçivəsində 2028-ci ildə yeni nəsil mobil şəbəkənin yenilənməsi və gücləndirilməsi və 6G infrastrukturuna keçid hədəflənib.

Bu kontekstdə hökumətin 2030-cu ilə qədər davam edəcək layihəni iki il qabaqda götürərək, “simsiz texnologiya liderliyi”ndə önə keçməyə çalışacağı qeyd edilib.

Eyni zamanda, 6G infrastruktur texnologiyalarının tətbiqi imkanlarının tədqiqi və inkişafı üçün təxminən 481 milyon dollar xərclənəcəyi bildirilib.

Bəyanatda bildirilib ki, hökumət yerli şirkətlərə material, hissə və avadanlıq istehsal etmək və hamı üçün əlçatan bir şəbəkə yaratmaq üçün stimul verəcək.

Ülkər Piriyeva