Netflix 30-dan çox ölkədə qiymətləri endirir.

Ümumdünya yayım platforması Netflix daha çox abunəçi cəlb etmək üçün 30-dan çox ölkədə qiymətləri endirib.

Asiya, Avropa, Latın Amerikası, Afrikanın Saharaaltı regionu və Yaxın Şərqin bəzi regionlarında qiymətlər aşağı salınıb.

Abunə haqqının aşağı salındığı ölkələrə Malayziya, İndoneziya, Tayland, Filippin, Xorvatiya, Venesuela, Keniya və İran daxildir.

Endirim müəyyən qiymət planlarına aiddir və bəzi hallarda abunə haqları yarıya endirilir.

Netflix sözçüsü, "Üzvlərimizin təcrübəsini təkmilləşdirmək üçün həmişə araşdırma aparırıq. Bəzi ölkələrdə planlarımızın qiymətlərini yenilədiyimizi təsdiqləyə bilərik" dedi.

Wall Street Journal hesabatının ilk dərcindən sonra şirkətin səhmləri cümə axşamı Nyu-Yorkda 3,4 faiz ucuzlaşıb.

Netflix Amazon, HBO və Disney kimi axın rəqibləri ilə artan rəqabətlə üzləşir.

Ülkər Piriyeva