Tunis Xarici İşlər Nazirliyi Afrika Birliyi Komissiyasının sədri Musa Faki Məhəmmədin “Tunisdə afrikalı mühacirlərə qarşı nifrət nitqi və irqçilikdən qaçınılmalıdır” bəyanatına reaksiya verib.

Xarici İşlər Nazirliyi Tunis prezidenti Kays Səidin Saharaaltı Afrika ölkələrindən qeyri-qanuni miqrasiya ilə bağlı qiymətləndirmələrini tənqid edən AfB Komissiyasının sədri Məhəmmədə yazılı açıqlama ilə cavab verib.

Məhəmmədin Tunis səlahiyyətlilərinə ünvanladığı ittihamların "əsassız" olduğu vurğulanıb və prezident Səidin açıqlamalarının yanlış anlaşıldığı vurğulanıb.

Anlaşılmazlıqdan "kədərləndikləri" ifadə edilən açıqlamada afrikalı mühacirlərin Tunis dövlətinin himayəsi altında sülh içində yaşadığı qeyd edilib.

Qeyd olunub ki, Tunis dövləti insanları qaçaqmalçılıq yolu ilə keçirən, ölüm gəmilərinə mindirən və miqrantlardan cinayət törətmək üçün istifadə edərək istismar edən qeyri-qanuni qruplarla mübarizə aparır.

Bəyanatda Tunisin bütün millətlərdən olan əcnəbiləri qorumaqda qərarlı olduğu və qeyri-qanuni miqrasiya fenomeninin ölkə qanunvericiliyi ilə yanaşı, beynəlxalq müqavilələr çərçivəsində də idarə edildiyi bildirilib.

Ülkər Piriyeva