BAKI, 26 fevral - Azadmedia.az.

“Bəşər tarixinin müxtəlif dövrlərində ermənilər tərəfindən soyqırımına məruz qalan Azərbaycan xalqı növbəti belə faciə ilə XX əsrin sonlarında Xocalıda üzləşdi. 1992-ci il fevralın 25-dən 26-na keçən gecə erməni silahlı dəstələri Xankəndində yerləşdirilmiş 366-cı motoatıcı alayının zirehli texnikası və hərbi heyətinin dəstəyi ilə Xocalı şəhərinə girdiyi və bəşəri cinayəti–Xocalı soyqırımını törətdiyi gündür. Artıq 31 il ötür, lakin heç vaxt unudulmayıb və unudulmayacaq. Xocalı soyqırımı XX əsrin ən dəhşətli və ən qəddarcasına törədilmiş Xatın, Xirosima faciələrinin oxşarıdır.”


“Berkin Engineering”in rəhbəri Yücel Atalay bildirib ki,
“Xocalı qətliamı mənfur Ermənistanın Azərbaycana qarşı işğalçılıq müharibəsinin gedişində dinc azərbaycanlı qardaşlarımıza qarşı törədilmiş soyqırımı cinayətlərinin ən dəhşətlisidir. Türkiyə olaraq hər zaman qardaş Azərbaycanın dərdini, kədərini paylaşırıq. Xocalıda törədilmiş qətliamı kəskin pisləyir, şəhidlərimizə Allahdan rəhmət diləyir, Azərbaycan xalqına başsağlığı verirəm.🇹🇷🇦🇿”



Ülker Piriyeva