Bakı, 27 fevral — Azadmedia.az
Zelenski bildirib ki, Putini əvvəl-axır yanındakılar öldürəcək.

Ukrayna prezidenti Vladimir Zelenski bir gün yaxın ətrafının Rusiya prezidenti Vladimir Putini öldürəcəyini iddia edərək, “Yırtıcı heyvanlar yırtıcı heyvanları udacaq” deyib.

“The Times” yazır ki, bu şərhlər Ukraynanın “İl” - Year adlı sənədli filmində yer alıb. Bu bəyanatlar Rusiya lideri Putinin öz xalqına Ukraynanın müharibədə qalib gəlsə, bir millət olaraq sağ qala bilməyəcəkləri barədə xəbərdarlıq etməsi ilə eyni vaxtda səslənib.

"Əlbəttə, Putin rejiminin kövrəkliyinin [Rusiya] dövlətində hiss olunduğu bir zaman gələcək. Sonra yırtıcılar yırtıcıları yeyəcək. Onlar qatili öldürmək üçün səbəb tapacaqlar", - Zelenski sənədli filmdə deyib.

Lakin analitiklərin fikrincə, Putinin yaxın çevrəsindəki sərt xətt tərəfdarlarının ona qarşı hərəkət etmələri çətin görünür, çünki hazırki mövqelərini ona borcludurlar.

Putin bu yaxınlarda NATO-nun nüvə potensialını nəzərdən keçirməkdən başqa çarəsi olmadığını iddia etmiş və ABŞ-ın rəhbərlik etdiyi hərbi alyansı “keçmiş Sovet İttifaqı və Rusiyanı dağıtmaq” istəməkdə ittiham etmişdi.

Bazar günü Zelenski deyib ki, o, müharibənin sona çatması üçün bir addımın Krım yarımadasının Ukraynanın nəzarətinə keçməsi olacağına inanır. Ukrayna lideri Twitter-də yazıb: "Bu, bizim torpağımızdır. Bizim xalqımız. Bizim tariximiz. Biz Ukrayna bayrağını Ukraynanın hər bir guşəsinə qaytaracağıq".

Mərkəzi Kəşfiyyat İdarəsinin direktoru Uilyam Börns deyib ki, Putin öz ordusunun Ukraynanı diz çökdürə biləcəyinə “həddən artıq arxayındır”.

Burns deyib ki, o, Putinin “zamandan öz xeyrinə istifadə edə biləcəyinə, ukraynalıları əzə biləcəyinə, avropalı müttəfiqlərini yoracağına və nəticədə siyasi yorğunluğunu yatıra biləcəyinə” inanır.

"Putin nə vaxtsa Rusiyanın ən kasıb bölgələrinə gələn tabutlarla yanaşı, artan xərclərlə üzləşməli olacaq", - deyə Börns CBS telekanalının Face the Nation proqramında sözlərinə əlavə edib.

Ülkər Piriyeva