İrandan nəhəng təlim! Təyyarələr bir-bir havaya qalxıb-enir..

İran Silahlı Qüvvələri və İnqilab Keşikçiləri Ordusu ölkənin hava məkanının üçdə ikisini əhatə edən genişmiqyaslı birgə hava hücumundan müdafiə təliminə başlayıb.

İran Silahlı Qüvvələrinin Hava Hücumundan Müdafiə bölməsi və İnqilab Keşikçiləri Ordusunun Hava-Kosmos Qüvvələrinin iştirakı ilə “Guardian Sky Defenders-1401” adlı genişmiqyaslı birgə hava hücumundan müdafiə təliminin başladığı açıqlanıb.

Təlim sözçüsü Abbas Fercpur təlimdə İran istehsalı olan yerli hava hücumundan müdafiə sistemlərindən istifadə edildiyini bildirərək, təlimin ölkənin şimal-qərb, qərb və mərkəzindəki hava məkanlarında həyata keçiriləcəyini bildirib.

Təlim zamanı ölkənin əhəmiyyətli və kritik mərkəzlərinin mümkün düşmən hücumlarına qarşı qorunmasının sınaqdan keçirildiyini söyləyən Fercpur, “Mərkəzi hava hücumundan müdafiə sistemlərinin kritik nüvə, hərbi, İqtisadi bazaları və mərkəzləri gücləndirmək və onların taktiki müdafiə qabiliyyətini gücləndirmək üçün döyüş təyyarələri, pilotsuz uçuş aparatları, həmçinin yerli istehsal olan radarlar, elektron döyüş avadanlıqları və rabitə sistemləri kimi avadanlıqlarımızı sınaqdan keçirir və yeniləyirik”.

Fercpur vurğulayıb ki, təlim İranın hava məkanının üçdə ikisini əhatə edir.

Ülkər Piriyeva