Bakı 28 fevral - Azadmedia.az
Sankt-Peterburq hava limanı “naməlum uçan obyekt”ə görə qapadıldı.

Rusiyanın Sankt-Peterburq şəhərindəki Pulkovo Beynəlxalq Hava Limanının "uçan qaranlıq obyekt" səbəbindən müvəqqəti bağlandığı bildirilir.
Rusiyanın RİA xəbər agentliyində yer alan xəbərə görə, Pulkovo Beynəlxalq Hava Limanı saat 13.20-dək bağlanıb.

Təyyarələrin qalxması və enişinin dayandırıldığı bir vaxtda buna bölgədə “müəyyən olmayan uçan obyekt” səbəb olduğu bildirilib.

Şəhər rəhbərliyinin mövzu ilə bağlı verdiyi açıqlamada "Pulkova hava limanında müvəqqəti olaraq təyyarələr qəbul edilməyəcək və uçuşlar həyata keçirilməyəcək" bildirilib.

Digər tərəfdən, uçuş izləmə saytlarının məlumatlarına görə, Sankt-Peterburqa uçan bir çox təyyarə marşrutunu dəyişməli və ya geri dönməli olub.

Uçuş izləmə saytlarında dərc edilən son məlumatlarda Sankt-Peterburqda uçuşların normallaşdığı deyilir.

Ülkər Piriyeva