Bakı, 1 mart — Azadmedia.az
Rapidus Yaponiyanın şimalında çip istehsalı zavodu tikəcək.

Yaponiyanın yarımkeçirici çip konsorsiumu olan Rapidus, ölkənin ən şimalındakı Hokkaydo bölgəsində çip istehsalı müəssisəsi quracağını açıqladı.

Toyota və Sony də daxil olmaqla 8 Yaponiya şirkətinin daxil olduğu yarımkeçirici çip konsorsiumu Rapidusun məlumatına görə, Hokkaydoda çip istehsalı müəssisəsi yaradılacaq.

İnvestisiya çərçivəsində AR-GE sahəsi də daxil olmaqla 5 trilyon yen (37 milyard dollar) büdcə ayrılacaq və iki nanometr çip istehsalı hədəflənəcək. "Biz hökumətin büdcə təsdiqləmə proseduruna əsaslanan xüsusi plana ümid edirik" deyə, Rapidus-un yeni texnologiya sərmayəsi üzrə prezidenti Koike Atsuyoshi bildirib.

Yaponiya hökuməti tərəfindən dəstəklənən və Toyota və Sony də daxil olmaqla 8 yapon şirkətinin iştirak etdiyi Rapidus konsorsiumu 2022-ci ilin avqustunda yaradılıb. Avtomobillərdən tutmuş smartfonlara, planşetlərdən oyun konsollarına qədər sənayelərarası yarımkeçirici çip çatışmazlığı qarşısında istehsalçılar investisiya qoymağa məcbur olurlar.

Ülkər Piriyeva