Avropa İttifaqı yaşıl istiqrazları standartlaşdırmağa hazırlaşır.

Avropa İttifaqı qurumları ekoloji maarifləndirmə ilə bağlı aldadıcı bəyanatların qarşısını almaq üçün yaşıl istiqrazlar üçün standartlar müəyyən etməyə razılaşıblar.

Avropa Parlamenti və Avropa İttifaqı Şurası investorların Birliyin iqlim məqsədlərinə uyğun dayanıqlı texnologiyalara və fəaliyyətlərə müraciət etmələrini təmin etmək üçün “Avropa Yaşıl İstiqraz Standartı” ilə bağlı danışıqlarda konsensus əldə etdiklərini açıqlayıb.

Müvafiq olaraq, yaşıl istiqrazlar üzrə ilk standartlar tətbiq olunacaq.

Bu standartdan istifadə edən şirkətlər yaşıl istiqrazlardan əldə etdikləri gəlirləri Aİ-nin ekoloji cəhətdən təmiz fəaliyyət təsnifatına daxil olan sahələrdə istifadə etməli olacaqlar.

Şirkətlər investisiyalarının yalnız 15 faizini ekoloji hədəflərə uyğun fəaliyyətlər siyahısına hələ daxil edilməyən sektorlara köçürə biləcəklər.

Üzv dövlətlərin müvafiq orqanları yaşıl istiqrazların emitentlərinin yeni standartlar üzrə öhdəliklərə əməl edib-etməməsinə nəzarət edəcək.

İstiqrazların alıcıları investisiyalarının davamlılığını daha asan qiymətləndirə biləcəklər. Bir şirkətin ətraf mühitə cavabdeh imicinə diqqət çəkmək üçün yaydığı yalan və ya qeyri-dəqiq məlumat kimi tanınan “yaşıl yuyulma” riskləri azalacaq.

Qeyd edək ki, yeni qaydaların qüvvəyə minməsi üçün AP və onun üzv dövlətləri onu rəsmən təsdiq etməlidir.


Ülkər Piriyeva