Bakı, 10 mart - Azadmedia.az

Türk Hava Yolları seçkilər üçün bilet əməliyyatlarında əlavə hüquqlar müəyyən edib.

THY, mayın 14-ü bazar günü keçiriləcək seçkilərdə səs vermək üçün səyahətlərini dəyişmək istəyən sərnişinlərə bilet müddətini və rezervasiya şərtlərini uzatmaqla əlavə hüquqlar tətbiq edib.

THY-nin internet saytında edilən açıqlamada mayın 14-də keçiriləcək seçkilərlə əlaqədar Türkiyə Respublikası vətəndaşlarına bilet əməliyyatları üçün əlavə hüquqlar müəyyən edildiyi bildirilib.

Elanda müəyyən edilmiş hüquqlar aşağıdakı kimi göstərilib:

“10 mart 2023-cü il tarixində və ya ondan əvvəl verilmiş biletlərə görə 7 may 2023-cü il – 21 may 2023-cü il tarixləri (daxil olmaqla) uçuşlar üçün qeydiyyatdan keçmiş və ya 14 may 2023-cü il tarixini əhatə edən gediş-gəlişi olan Türkiyə Respublikası vətəndaşlarımız, 21 may 2023-cü il tarixinədək (daxil olmaqla) əməliyyatlar etməlidir. Eyni marşrut bölgəsində olmaq şərti ilə, ən geci 31 Mart 2024-cü ilə qədər yeni səyahət tarixləri olan uçuşlar üçün rezervasiya dəyişiklikləri pulsuz həyata keçiriləcək. Məsələn, İstanbul-Paris biletinizi İstanbul-Amsterdama dəyişə bilərsiniz, amma İstanbul-Paris biletinizi İstanbul-Nyu Yorka dəyişə bilməzsiniz”.

Açıqlamada bildirilib ki, istifadə olunmamış biletlərin ödənişi fasiləsiz, qismən istifadə edilmiş, səfəri başa çatmayan biletlərin isə istifadə olunmayan reyslərə görə geri qaytarıla bilər.


Ü. Piriyeva