AB-nin rəsmi jurnalında dərc olunan şəxsi sanksiyaları uzadılan rusiyalıların yenilənmiş siyahısından üç nəfər çıxarılıb.

Bu barədə rus mediası məlumat yayıb.

“Bunlar dünyasını dəyişənlərdir: “Komsomolskaya Pravda”nn baş redaktoru Nikolay Sunqorkin, Xerson vilayəti rəhbərinin müavini Kirill Stremousov, Dövlət Dumasının deputatı Nikolay Petrunin”, - məlumatda deyilir.

Qeyd edək ki, AB ötən gün Rusiyanın hüquqi və fiziki şəxslərinə sanksiyaları daha 6 ay uzadıb.