"Əhali yaxın vaxtlarda öz "mavi yanacağ"ımızdan istifadə edə biləcək".

“TRT Haber” xəbər verir ki, bunu Türkiyənin enerji və təbii sərvətlər naziri Fatih Dönməz deyib.

Belə ki, onun sözlərinə görə, bir həftədən sonra vətəndaşlara müjdə veriləcək: “Qazın qiyməti vətəndaşlarımızın cibinə uyğun olacaq. Yeni təbii qaz yataqlarının axtarışı prosesi davam edir”.

Həmçinin nazir daha çox təbii qaz yataqlarının kəşf olunacağına inandığını bildirib: "Həm Qara dənizdə, həm də Aralıq dənizində işlər davam etdirilir. Yeni sahələrdə də axtarış tədbirlərinə başlamışıq".

Nəzərinizə çatdıraq ki, F.Dönməz daha əvvəl Qara dənizdə təbii qaz hasilatı layihəsinin kritik mərhələyə daxil olduğunu açıqlamışdı.