Cənubi Koreyanın ABŞ-a artilleriya mərmiləri verməsinə dair razılıq əldə olunub.

Reuters xəbər verir ki, Vaşinqton Seuldan 500 000 ədəd 155 mm-lik artilleriya mərmisi alacaq.

Belə ki, Cənubi Koreyada çıxan “Dong-A Ilbo” qəzetinin yaydığı məlumata görə, bu da Vaşinqtona Ukraynaya döyüş sursatının tədarükündə daha çox çeviklik imkanı yarada bilər.

Qəzet hökumətdəki adını açıqlamadığı mənbəyə istinadən yazıb ki, rəsmi Seul Ukraynadakı müharibədə Cənubi Koreya mərmilərinin istifadəsini minimuma endirmək üçün sursatları satmaq əvəzinə borc verməyə qərar qəbul edib.

Qeyd edək ki, rəsmi Seul və Vaşinqton məsələ ilə bağlı danışıqlar apardıqlarını təsdiqləsələr də, razılaşmanın yekunlaşdırılıb tədarük edilməsi barədə rəsmi açıqlama verilməyib.