Formula 1 Azərbaycan Qran Prisinə bütün biletlər satılıb. Azadmedia.az xəbər verir ki, bu barədə Bakı Şəhər Halqası (BŞH) əməliyyat şirkətindən məlumat verilib.

Məlumata görə, “Gözlənilməzlərə hazır ol!” şüarı ilə keçirilən 2023 Formula 1 Azərbaycan Qran Prisinin bütün biletləri azarkeşlər tərəfindən alınıb. Xatırladaq ki, yarış Azərbaycanda yeddinci dəfə keçiriləcək.

Yarışda 100-dən çox müxtəlif ölkədən rekord sayda azarkeşin iştirak edəcəyi gözlənilir.

Qeyd edək ki, Formula 1 Azərbaycan Qran Prisi aprelin 28-də başlayır. Tədbir çərçivəsində bu il ilk dəfə olaraq sprint yarışı keçiriləcək. F1 təqvimində ən sürətli sürətli şəhər yarışlarından biri hesab edilən Azərbaycan Qran Prisinin əsas yarışı aprelin 30-da baş tutacaq.