"Gürcüstan NATO-nun yaxın tərəfdaşıdır".

Azadmedia.az xəbər ki, bunu NATO Baş katibi Yens Stoltenberq Brüsseldə Gürcüstan Baş naziri İrakli Qaribaşvili ilə mətbuata birgə açıqlaması zamanı deyib.

Belə ki, o, "Gürcüstan NATO-nun yaxın tərəfdaşlarından biridir. Biz Gürcüstanın suverenliyini və ərazi bütövlüyünü dəstəkləyirik. Rusiyanı Gürcüstanın ərazi bütövlüyünə hörmət etməyə və tanımağa çağırırıq" - deyə vurğulayıb.

Həmçinin o deyib ki, bugün Baş nazir Qaribaşvili ilə görüşdə NATO və Gürcüstan arasında əməkdaşlığın daha da gücləndirilməsi imkanları müzakirə olunacaq.

Qeyd edilib ki, "Gürcüstan NATO-nun siyasi və praktiki dəstəyinə güvənə bilər. Biz Gürcüstanın Avro-Atlantik məkana inteqrasiya istəyini qiymətləndiririk. Gürcü xalqı çiçəklənən, demokratik və Avro-Atlantik məkana inteqrasiya olunmuş br ölkə istəyir. Biz bu istəklərin yerinə yetirilməsində sizə dəstək verəcəyik".

Stoltenberq əlavə edib ki, o, Gürcüstan Baş naziri ilə Ukraynadakı vəziyyəti də müzakirə edəcək.