Avropa Komissiyasının Prezidenti Ursula fon der Leyen Ukraynaya dəstəyini ifadə etmək üçün mayın 9-da Kiyevə gedəcək.

Azadmedia.az xəbər verir ki, bunu Avropa Komissiyasının mətbuat xidmətinin rəhbəri Erik Mamer Brüsseldə keçirdiyi brifinqdə deyib.

Belə ki, "Avropa Komissiyasının rəhbəri Ursula fon der Leyen sabah Kiyevə gedir. Avropa Günündə o, Ukraynaya tam dəstəyimizi ifadə edəcək", - Mamer bildirib.

Qeyd edək ki, xidmət rəhbəri təhlükəsizlik səbəbi ilə səfərin təfərrüatlarını açıqlamayıb.