TÜBİTAK kosmos sahəsində üzərinə düşən missiyanı yerinə yetirmək üçün Cümhuriyyətin 100-cü ildönümündə fəaliyyətini sürətləndirib.

Azadmedia.az Türkiyə mətbuatına istinadən cəbər verir ki, Türkiyənin kosmos, aviasiya və texnologiya festivalı TEKNOFEST-in 3-cü gününə qatılan ölkə Prezidenti Rəcəb Tayyib Ərdoğan türkiyəli kosmos səyahətçisi olmağa namizəd olan iki adı açıqlayıb.

Belə ki, Alper Gezeravcı və Tuvalı Cihangir Atasever Türkiyənin ilk kosmos səyahətçisi seçilib.

Türkiyənin kosmos səyyahları beynəlxalq kosmik stansiyada universitetlər və elmi-tədqiqat qurumları tərəfindən hazırlanan 13 fərqli sınaqdan keçəcək.

Qeyd edək ki, TÜBİTAK, TUA və “Axiom Space” ekspertlərindən ibarət komissiya bu çağırışa cavabları qiymətləndirib. Elmi töhfə, dəyər, xərc, cədvəl, reallaşdırma qabiliyyəti və Beynəlxalq Kosmik Stansiya infrastrukturları ilə uyğunluq kimi meyarlar qərarda təsirli olub.