Sentyabrın 27-dən oktyabrın 1-dək Türkiyənin İzmir şəhərində TEKNOFEST keçiriləcək.

Azadmedia.az xəbər verir ki, dünyanın ən böyük aviasiya, kosmos və texnologiya festivalına ciddi hazırlıq işləri görülür.

Belə ki, beş gün davam edəcək TEKNOFEST-i bir milyondan çox insanın ziyarət edəcəyi gözlənilir.

Qeyd edək ki, texnologiya yarışmaları, hava şouları, mükafatlandırma mərasimləri, elmi şoular, maarifləndirici seminarlar, sərgilər, səhnə oyunları, uşaqlar üçün xüsusi uçuş təcrübələri ziyarətçilərə macəra yaşadacaq.