İsrail blokadada olan Qəzza zolağına elektrik və suyu kəsdikdən sonra Fələstin rəhbərliyi təcili ərzaq və tibbi ləvazimat tələb edib.
Azadmedia.az xarici KİV-ə istinadən xəbər verir ki, Fələstin Azadlıq Təşkilatının İcraiyyə Komitəsinin baş katibi Hüseyn əl-Şeyx verdiyi yazılı açıqlamada İsrailin oktyabrın 7-dən etibarən bütün sərhəd-keçid məntəqələrini bağladığını, Fələstin rəhbərliyinin Qəzza zolağına ərzaq və tibbi ləvazimatların dərhal daxil olmasını tələb etdiyini bildirib.
Belə ki, İsrailin müdafiə naziri Yoav Qallant Qəzza zolağına tam blokada tətbiq edəcəklərini, bölgəyə elektrik, qida və yanacaq verilməyəcəyini bildirib.

Qeyd edək ki, İsrailin enerji naziri Yisrael Katz da dünən təxminən 2 milyon fələstinlinin yaşadığı Qəzza zolağına su axınının kəsildiyini açıqlayıb.