Türkiyənin "Kafkametler" yük gəmisi Zonquldak vilayəti sahillərində Ereğli limanı yaxınlığında batıb.
Azadmedia.az xəbər verir ki, bu barədə Türkiyənin daxili işlər naziri Ali Yerlikaya məlumat verib.

Belə ki, “Əlverişsiz hava şəraiti səbəbindən İzmirə gedən Türkiyə "Kafkametler" dalğalara çırpılaraq batıb. Türkiyə vətəndaşı olan 12 ekipaj üzvü ilə hələlik əlaqə yoxdur. Sahil Mühafizəsi, Hərbi Dəniz Qüvvələri, Fövqəladə Hallar İdarəsi və digər qurumlar gözləmə rejimindədir. Hava şəraiti yaxşılaşan kimi axtarış-xilasetmə işlərinə başlanılacaq”, - deyə Yerlikaya bildirib.