Yanvarın sonunda Azərbaycan və Ermənistan dövlət sərhədinin delimitasiyası üzrə komissiyaların işi çərçivəsində növbəti görüşü keçirəcək, Ermənistan Təhlükəsizlik Şurasının katibi Armen Qriqoryan bildirib.

Qriqoryan Ermənistan İctimai Televiziyasının efirində deyib: "Yanvarın sonunda delimitasiya komissiyalarının yenidən görüşəcəyi barədə razılıq var. Biz bu görüşün baş tutacağına ümid edirik".

2023-cü il noyabrın 30-da Azərbaycan və Ermənistan baş nazirlərinin müavinləri Şahin Mustafayev və Mher Qriqoryan iki ölkənin sərhədində keçirilən görüşdə delimitasiya məsələləri üzrə komissiyaların iclaslarının intensivləşdirilməsi barədə razılığa gəliblər.