İraq Kürdüstanına zərbə ölkəyə hücum demək deyil.

Azadmedia.az xəbər verir ki, bu barədə İranın xarici işlər naziri Hüseyn Əmir Abdullahiyan İsveçrədə keçirilən Davos İqtisadi Forumunda çıxışı zamanı deyib.

Belə ki, o bildirib ki, İran ordusunun İraq Kürdüstanı ərazisində həyata keçirdiyi zərbə İsrail kəşfiyyatına yönəlib və İraqa hücum deyil: “Biz İraq Kürdüstanındakı "Mossad" bazasını vurduq. Bu, İraqı vurmağımız demək deyil”.

Həmçinin nazirin sözlərinə görə, İran İraqın ərazi bütövlüyü və suverenliyinə hörmət edir: “İran və İraq arasında təhlükəsizlik sazişi var, ona görə İraq Kürdüstanı hökuməti sərhəd təhlükəsizliyini təmin etməyə borcludur. Bizim isə özümüzü müdafiə hüququmuz var”.