NATO Baş Qərargah rəisləri Belçikanın paytaxtı Brüsseldəki qərargahda təşkil edilən yığıncaqda bir araya gəliblər.

Azadmedia.az TRT-yə istinadən xəbər verir ki, iki gün davam edəcək toplantıda Türkiyeni Silahlı Qüvvələrin Baş Qərargah rəisi general Metin Gürak təmsil edir.

Belə ki, bugünkü iclaslarda qərargah rəisləri NATO-nun müdafiə qabiliyyətinin artırılması və müdafiə ilə bağlı planlarını müzakirə edirlər.

24 fevral 2022-ci il tarixindən bu yana davam edən Rusiya-Ukrayna müharibəsində sahədəki son vəziyyət və NATO-nun Ukraynaya dəstəyi də qiymətləndirilir.

Müdafiə nazirlərinin fevralda keçiriləcək iclasından əvvəl bu il keçiriləcək hərbi təlimlər də qərargah rəislərinin gündəmindədir.

Qeyd edək ki, iclasın sabahkı sessiyasında NATO-nun Baş katibi Yens Stoltenberq qərargah rəisləri ilə görüşəcək.