Azərbaycan Avropa Şurası Parlament Assambleyasının (AŞPA) Azərbaycan nümayəndə heyətinin səlahiyyətlərinin təsdiq edilməməsi ilə bağlı qərarına cavab olaraq Avropa Şurasından çıxmaq proseduruna baxır. Bu barədə KİV məlumat verir.

Rəsmi Bakı da AİHM-in yurisdiksiyasını tanımaqdan imtina edə bilər.

Qeyd edək ki, yanvarın 24-də Azərbaycan Respublikasının AŞPA-dakı nümayəndə heyəti qurumun iclasında onun səlahiyyətlərinə etiraz etmək təşəbbüsü ilə bağlı bəyanatla çıxış edib.

“Biz bu təşəbbüsü Azərbaycanda gedən seçki prosesinə əsassız olaraq qəsdən və qəbuledilməz müdaxilə cəhdi və ölkəmizdə demokratik təsisatların fəaliyyətinə xələl gətirən məkrli hərəkətlərin bariz nümunəsi kimi qiymətləndiririk. bütövlükdə Avropa Şurasının nüfuzuna və qərəzsizliyinə ciddi zərbə olacaq və onun ciddi və geri dönməz nəticələrinə görə məsuliyyət tamamilə onun təşəbbüskarlarının üzərinə qoyulacaq.

Dünyada heç kim, o cümlədən bu otaqda oturanlar Azərbaycanla təhdid və şantaj dili ilə danışa bilməz. AŞPA tarixində heç vaxt bu təşkilat özünü belə biabırçı aparmamışdı.

AŞPA-da formalaşmış dözülməz irqçilik, azərbaycanofobiya və islamofobiya mühiti qarşısında Azərbaycan nümayəndə heyəti növbəti bildiriş gələnədək AŞPA-da qarşılıqlı fəaliyyətini və mövcudluğunu dayandırmaq qərarına gəlir”, - deyə bəyanatda bildirilir.