ABŞ Prezidenti Co Bayden İsrailin Baş naziri Benyamin Netanyahu ilə söhbəti zamanı Rəfahda mülki əhalinin təhlükəsizliyini təmin etməyə çağırıb.
Azadmedia.az xəbər verir ki, bu barədə Ağ Evin məlumatında deyilir.

Belə ki, Amerika lideri bildirib ki, Rəfah əməliyyatı orada sığınan mülki əhalinin təhlükəsizliyini təmin edəcək plan olmadan həyata keçirilə bilməz.

Həmçinin tərəflər girovların azad edilməsi səylərini də müzakirə ediblər. Ağ Evin rəhbəri İsrail üçün uzunmüddətli təhlükəsizliyə nail olmaq və HƏMAS hərəkatını məğlub etmək zərurətini dəstəkləyib.

Qeyd edək ki, Bayden Fələstin vətəndaşları üçün humanitar imkanların artırılması istiqamətində addımların atılmasını müdafiə edib.