Xaricdəki Belarus müxalifəti respublikada seçki kampaniyası zamanı dövlət çevrilişi və ya hakimiyyətin ələ keçirilməsi ssenarisi üzərində işləyir.

Azadmedia.az xəbər verir ki, bunu Belarus Prezidenti Aleksandr Lukaşenko deyib.

Belə ki, “Ölkədən qaçanlar və onların xüsusi xidmət orqanlarında olan xarici kuratorları bu dövr üçün üç əsas ssenari hazırlayırlar. Yaxın gələcəkdə ölkə üçün ən mühüm hadisələr olan vahid səsvermə günü və Ümumbelarus Xalq Assambleyasının yaradılması baş verəcək. Bizi yenidən sarsıtmağa çalışacaqlar. Qərb hakimiyyətin səhvə yol verməsini gözləyir”, - deyə Lukaşenko bildirib.