Ermənistan və Fransa müdafiə sahəsində yeni əlaqələr qurublar ki, bu da Cənubi Qafqazda təhlükəsizliyin və sabitliyin təmin edilməsi baxımından mühüm əhəmiyyət kəsb edir. Bunu Ermənistanın baş naziri Nikol Paşinyan Parisdə Fransa prezidenti Emmanuel Makronla keçirdiyi mətbuat konfransında deyib.

"Bu məsələ ilə bağlı tənqidlər var, lakin biz qeyd etmək istəyirik ki, Ermənistan bütün qonşularının ərazi bütövlüyünü tanıyır və ölkəmizin müdafiə qabiliyyətinin inkişafı təşviş doğura bilməz. Bizim yeganə vəzifəmiz ölkədə düzgün balans yaratmaqdır”, - Paşinyan qeyd edib.

O, əlavə edib ki, “Ermənistanın məqsədi ölkənin qanuni və beynəlxalq səviyyədə tanınmış sərhədlərini, ərazisini, ərazi bütövlüyünü və müstəqilliyini qorumaq, habelə dayanıqlılığı artırmaqdır”.

Öz növbəsində Makron qeyd edib ki, Fransa Ermənistanla müdafiə sektorunda əməkdaşlığı davam etdirəcək. O, Parisin Ermənistana müdafiə silahlarının verilməsinə razılıq verdiyini xatırladıb: "Paris hər hansı bir eskalasiya istəməyərək tam məsuliyyətlə davam edəcək".

Yada salaq ki, 2023-cü ilin oktyabrında Parisdə Ermənistan və Fransanın müdafiə nazirləri Suren Papikyan və Sebastyen Lekornu Ermənistana silah tədarükü haqqında saziş imzalayıblar. Fransa Ermənistana 24 “Bastion” tipli zirehli transportyor tədarük edib, daha 26-sı isə istehsal mərhələsindədir. Yerevan bu yaxınlarda Thales-dən üç GM200 radarı sifariş edib və MISTRAL 3 zenit-raket komplekslərinin tədarükü üçün də danışıqlar aparılır.Bundan əlavə, Fransa Senatı Sezarın özüyeriyən artilleriyasının ən qısa zamanda tədarükü imkanlarını araşdırmağa çağırır.

Həmçinin, Makron 12-13 fevralda Azərbaycan və Ermənistan sərhədində eskalasiyanı şərh edərək, bunu guya qeyri-mütənasib adlandırıb.

Makronun dediyi kimi, İrəvan ərazi bütövlüyü, demokratik yol və sülh istəyi məsələsində Parisin köməyinə ümid edə bilər.

Makron xatırladıb ki, Praqa görüşündə Paşinyan Alma-Ata bəyannaməsinə sadiqliyini ifadə edib.

"Azərbaycanın Ermənistanın ərazi bütövlüyü və xəritələrdəki qeyri-müəyyənliyi aradan qaldırmaq lazımdır ki, sərhədin delimitasiyası və demarkasiyası ilə bağlı vicdanlı iş aparılsın. Bu da öz növbəsində hər iki tərəfdən qoşunların çıxarılması üçün əsas olacaq”, - Fransa prezidenti bildirib.

Makron Bakını erməni əhalisini Qarabağa qaytarmağa çağırıb:

“Biz istəyirik ki, Cənubi Qafqaz sülh, inteqrasiya və əməkdaşlıq və bu kommunikasiya regionu olsun".