Venesuela ABŞ-nin ölkə iqtisadiyyatına ziyan vuran sanksiyaların ləğvi ilə bağlı razılaşmaları pozmasını qətiyyətlə pisləyir.

Azadmedia.az xəbər verir ki, bu barədə Venesuelanın xarici işlər naziri İvan Xil Pinto “Venezolana de Television” telekanalının canlı efirində deyib.

Belə ki, nazir bildirib ki, Venesuela ABŞ-nin müstəmləkəçilik siyasətini heç vaxt qəbul etməyəcək.

Həmçinin “Ötən ilin sentyabrın 28-də Qətərin vasitəçiliyi ilə Dohada əldə edilmiş razılaşmalar pozulub. Bu sazişlər Venesuelada 2024-cü ildə prezident seçkilərinin elan edilməsindən sonra birtərəfli, qeyri-qanuni, məhdudlaşdırıcı tədbirlərin tamamilə ləğvini nəzərdə tuturdu. Birləşmiş Ştatlar növbəti dəfə qəbul edilmiş qərarlara əməl etməyib”, - deyə Pinto vurğulayıb.