Bu gün səhər saatlarında Azərbaycan-Ermənistan sərhədinin delimitasiyası üzrə işlərə başlanılıb. Bu barədə Azərbaycanın baş nazirinin müavini Şahin Mustafayevin mətbuat xidməti və Ermənistan hökumətinin mətbuat xidməti məlumat yayıb.

Bildirilir ki, işlər aprelin 19-da sərhəddə keçirilən hər iki ölkənin delimitasiya komissiyalarının 8-ci iclasının yekunları üzrə əldə olunmuş razılaşmalara uyğun olaraq aparılır.

“...Ölkələrin ekspert qrupları yerlərdə aparılan geodeziya ölçmələri əsasında koordinatların dəqiqləşdirilməsi prosesinə başlayıblar” – Bakı və İrəvan məlumat yayıb.

Ermənistanın hüquq-mühafizə və kəşfiyyat orqanları da ayrı-ayrı mesajlar yayıblar.

MTN delimitasiya zamanı Ermənistanın suveren ərazisinin Azərbaycana verilməyəcəyini bəyan edərək, yayılan şayiələri təkzib edib.

Ermənistan Daxili İşlər Nazirliyi Bağanis - Voskepar avtomobil yolunun bağlanması barədə məlumat yayıb: orada minalardan təmizləmə işləri aparılır. Ona görə də insanlar bu əraziyə yaxınlaşmamağa çağırılır.

Nazirlik əlavə edib ki, delimitasiya başa çatdıqdan sonra sərhəd sərhəd qoşunları tərəfindən mühafizə olunacaq.