Bugün Lerik rayonunun Əvilə kəndində şəhid Sadıqov Şəmistan Əbdülağa oğlunun 40 mərasimi keçirilib. Bu barədə Millət vəkili İqbal Məmmədov şəxsi facebook səhifəsində yazıb.
Mərasimdə Lerik Rayon İcra Hakimiyyətinin başçısı Əkbər Abbasov,icra aparatının məsul şəxsləri, rayonun hüquq-mühafizə orqanlarının rəhbərləri və ictimaiyyət nümayəndələrin iştirak etdiyini qeyd edən deputat bildirib ki, şəhidin məzarını ziyarət edib, üzərinə gül dəstələri düzüldükdən sonra ailə üzvlərinin xatirəsi dinlənilib, şəhidin ruhuna dualar oxubub.

Şəhidin ailəsi qazi və şəhid ailələrinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə, Birinci vitse-prezident Mehriban xanım Əliyevaya öz minnətdarlıqlarını bildiriblər.
Qəhrəman şəhidimizə uca tanrıdan rəhmət valideynrinə səbr diləyirik.