Mayın 6-da Tərtər rayonu ərazisində iki məktəbli arasında baş vermiş mübahisə ölümlə nəticələnib. Mübahisədən qısa müddət sonra onlardan biri huşunu itirib və aparıldığı xəstəxanada vəfat edib. Mövzu ilə bağlı Baş Prokurorluğun Mətbuat xidmətinə daxil olmuş sorğulara cavab olaraq bildirilir ki, mayın 6-da Tərtər rayonu ərazisində iki məktəbli arasında baş vermiş mübahisədən qısa müddət sonra onlardan birinin huşunu itirməsi və aparıldığı xəstəxanada ölməsi faktı ilə bağlı rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsilə cinayət işi başlanıb, hazırda ibtidai istintaq aparılır.