2026-cı il futbol üzrə dünya çempionatının seçmə mərhələsinin püşkatma mərasimində Azərbaycan və Ermənistan yığmaları bir səbətdə yer alacaq.

Hər iki komanda Bolqarıstan, Lüksemburq, Kosovo, Belarus, Qazaxıstan, Estoniya, Kipr, Latviya, Litva və Farer adaları komandaları ilə birlikdə dördüncü səbətdə qərarlaşıb.

Qeyd edək ki, püşkatmada bir səbətdən olan komandalar bir qrupa düşə bilməz. Belə ki, Azərbaycan və Ermənistan milliləri bir-birinə qarşı oynamayacaqlar.

Dünya çempionatının püşkatma mərasimi dekabrın 13-də Sürixdə atılacaq. İlk oyunlar gələn ilin martında keçiriləcək. Qrupların qalibləri birbaşa ÇM-ə yollanacaq, ikinci yerləri tutacaq komandalar isə oyunlardaxili oyunlar vasitəsilə biletlər uğrunda mübarizə aparacaqlar.