Azərbaycan Sloveniya üzərində inamlı qələbə qazanaraq dünya çempionatında qrup lideri olub.
Bakıda keçirilən mini-futbol üzrə dünya çempionatının qrup mərhələsinin ikinci oyununda Azərbaycan millisi Sloveniyaya qalib gəlib. Azərbaycan futbolçuları rəqib qapısına dörd cavabsız top keçirib. 

Qolları Elvin Əlizadə (10-cu dəqiqə), Mirmexti Rzayev (11-ci dəqiqə), Xətai Bağırov (25-ci dəqiqə) və Kyamran Abdullazadə (40-cı dəqiqə) vurub.

Qələbə Azərbaycana 4 xalla “A” qrupuna liderlik etməyə imkan verib. Yığma qrup mərhələsinin son oyununu mayın 25-də Mavritaniya ilə keçirəcək. 

Xatırladırıq ki, Bakıda keçirilən mini-futbol üzrə dünya çempionatına 32 milli komanda qatılıb.  Turnirin finalı iyunun 1-də keçiriləcək.