“Kimin qalib gələcəyinin əhəmiyyəti yoxdur, biz artıq qalibik”.

AzadMedia.az xəbər verir ki, bu sözləri “Avroviziya-2021” müsabiqəsində Azərbaycanı təmsil edən müğənni Samirə Əfəndi instaqram hesabında yazıb.

Samirənin paylaşdığı fotoda ona daha əvvəl sevgi etirafı edən Norveç təmsilçisi TIX (Andreas Haukeland) yer alıb.

Qeyd edək ki, “Avroviziya-2021”in qalibi 524 xalla İtaliya təmsilçisi “Maneskin” qrupu olub. İtaliya təmsilçilərinin "Zitti e buoni" mahnısı səsvermə zamanı ən çox xal toplayan ifa olub. Azərbaycanı “Mata Hari” mahnısı ilə təmsil edən Samirə Əfəndi isə 20-ci pillədə qərarlaşıb.