ABŞ prezidenti Donald Trampın həyat yoldaşı Melaniya Trampı “rus robotu” adlandırıblar. Bu barədə “The Mirror” məlumat yayıb.

Uzun müddətdir ki, Melaniya Trampın şəxsiyyəti ətrafında müxtəlif söz-söhbətlər dolaşır. Məsələn, bəzi internet istifadəçiləri Donald Trampı ictimaiyyət arasında həyat yoldaşına oxşayan robotun müşayiət etdiyini irəli sürüb.

Melaniya Trampı 14 il əvvəl ona çox oxşayan robot əvəz etdi”. Bu ecazkar maşını özündən uzaqlaşdıran yeganə şey onun soyuq, ruhsuz baxışlarıdır”, “Melaniya 2016-cı ilin seçki gecəsi öldü və sonra onu rus robotu əvəz etdi”, X istifadəçiləri yazıb.

Bundan əlavə, sosial şəbəkələrdə Melaniya Trampın əslində Rusiya casusu olması ilə bağlı bir nəzəriyyə yayılıb. Dedi-qoduya səbəb keçmiş modelin 2017-ci ildə G-20 sammiti zamanı şam yeməyində Rusiya prezidenti Vladimir Putinlə söhbəti olub. Məlumdur ki, Donald Trampın həyat yoldaşı rus dilini bilmir, lakin sloven, ingilis, fransız, alman, italyan və serb dillərini bilir.

ABŞ-ın 47-ci prezidentinin həyat yoldaşının klonu ilə ictimaiyyət qarşısına çıxması barədə də şayiələr yayılıb. Keçən il internet istifadəçiləri bu nəzəriyyəni Melaniya Trampın seçkilərdə günəş eynəyində görünməsi ilə yaymağa başladılar.

Yanvarın 20-də Donald Tramp ABŞ-ın 47-ci prezidenti kimi and içib. İnauqurasiya mərasimi Kapitoliyada baş tutub. Andiçmə mərasimini ABŞ Ali Məhkəməsinin sədri Con Roberts aparıb. Tramp andın mətnini çatdırıb.