Bazar günü, aprelin 2-də Paris sakinləri şəhərdə elektrikli skuterlərdən istifadənin qadağan edilməsi üçün keçirilən səsvermədə iştirak ediblər. Azadmedia.az xəbər verir ki, bu barədə The Guardian məlumat yayıb.

Belə bir qadağanın ictimai müzakirəyə çıxarılmasına səbəb bu tip ikitəkərli nəqliyyatla bağlı qəzaların xeyli artması olub. 2022-ci ildə insidentlər nəticəsində 3 nəfər ölüb, 459 nəfər yaralanıb.

Səsvermə iştirakçılarından elektrikli skuterlərdən istifadənin tərəfdarı və ya əleyhinə olduqları sualına cavab vermələri istənilib. Şəhər üzrə 21 seçki məntəqəsi açılıb. Nəticənin artıq aprelin 2-də axşam saatlarında olacağı gözlənilir.

2018-ci ildə Paris hakimiyyəti sakinləri ekoloji cəhətdən təmiz nəqliyyat növü kimi elektrik skuterlərindən istifadə etməyə çağırıb. İndi isə şəhərin meri Anne Hidalqo onlara qarşı çıxış edir və velosiped paylaşma xidmətlərinin genişləndirilməsini dəstəkləyir.

Daha əvvəl travmatoloq Razdobudko elektrik skuterinin zədələnməsini “ortopediyada yeni epidemiya” adlandırmışdı.