Avropa İttifaqı Ukraynaya hərbi xərclərin maliyyələşdirilməsi üçün 6,1 milyard avro ayıracaq.

Avropa Komissiyasının sədri Ursula fon der Lyayen bildirib ki, vəsait Ukraynanın hava və raket hücumundan müdafiə sistemləri, raketlər, sursat və radar stansiyalarına olan ehtiyaclarının qarşılanmasına yönəldiləcək.

Fon der Lyayen bu barədə Ukraynanın Müstəqillik Günü münasibətilə Kiyevə səfəri zamanı açıqlama verib.

Qeyd edək ki, 6,1 milyard avroluq vəsait Ukraynanın dəstəklənməsi üçün nəzərdə tutulan 90 milyard avroluq kredit paketinin tərkib hissəsidir. Kredit 2026–2027-ci illəri əhatə edir.