Türkiyə xarici işlər naziri Hakan Fidanla ABŞ Dövlət katibi Entoni Blinken arasında telefon danışığı olub.

Azadmedia.az xəbər verir ki, bu barədə Türkiyə Xarici İşlər Nazirliyindən məlumat verilib.

Belə ki, nazirlər telefon danışığı zamanı Qara dənizdə təhlükəsizliyin təminatı, NATO-nun genişlənməsini müzakirə ediblər. Həmçinin, taxıl sazişinin bərpası məsələsi gündəmə gətirilib.

Qeyd edək ki, nazirlər Cənubi Qafqazda baş verən proseslər və bu kontekstdə Azərbaycan və Ermənistan arasında normallaşma prosesi ətrafında da müzakirələr aparıblar.