Səudiyyə Ərəbistanının İordaniyadakı diplomatik missiyasının rəhbəri Naif əs-Sudeyri eyni zamanda Fələstinə səfir təyin edilib.

Azadmedia.az xəbər verir ki, bu barədə Səudiyyə Ərəbistanı Xarici İşlər Nazirliyinin bəyanatında bildirilib.

Belə ki, “Səudiyyə Ərəbistanının İordaniyadakı səfiri Naif əs-Sudeyri etimadnaməsini Fələstin Prezidentinin diplomatik müşaviri Məcdi əl-Xalidiyə təqdim edib - Fələstin Dövlətində eyni vaxtda səfir və Qüds şəhərindəki baş konsul kimi”, - deyə bəyanatda qeyd edilib.

Qeyd edək ki, bununla Sudeyri Fələstində Səudiyyə Ərəbistanının maraqlarını təmsil edən ilk diplomat olub. Etimadnamələrin təqdimetmə mərasimi Fələstinin Əmmandakı səfirliyinin binasında reallaşıb.