Neyrocərrah Zemmar: beyin ölümdən əvvəl xatirələri oynaya bilir

Louisville Universitetinin neyrocərrahı Ajmal Zemmar bildirib ki, beyin fəaliyyəti ilə bağlı araşdırmalar göstərib ki, insan ölüm anında yuxu və ya yaddaşa bənzər bir şey yaşayır. Bu barədə “Metro” məlumat yayıb.

Onun sözlərinə görə, bunu ürək dayanmasından 30 saniyə əvvəl və sonra 87 yaşlı xəstənin elektroensefaloqrammasının analizi sayəsində öyrənmək mümkün olub.

Zemmar iddia edir ki, yuxular və ya xatirələrlə əlaqəli qamma salınımlarında "ölümə keçid" zamanı və hətta ondan sonra nəzərə çarpan aktivlik var. Neyrocərrah əlavə edib ki, ölümdən əvvəl beyin insanın həyatındakı son vacib xatirələri canlandıra bilər.

O qeyd edib ki, bu nəticələr “həyatın nə vaxt bitdiyi və orqan bağışlama vaxtı ilə bağlı sualların ortaya çıxması ilə bağlı anlayışıma meydan oxuyur.

Bundan əvvəl McGill Universitetinin alimləri müəyyən etdilər ki, yeniyetməlik dövründə sirkadiyalı ritmlərin pozulması beynin inkişafına təsir edə bilər, xüsusən də bir insanda anadangəlmə risk faktorları, məsələn, hamiləlik zamanı anadan ötürülən infeksiya varsa.