Azərbaycanlı alpinist Elmira Aslanova ölkə tarixində dünyanın ən hündür zirvəsi Everesti (8849 m) fəth edən ilk qadın olub. Azadmedia.az xəbər verir ki, bu barədə Aslanovanın özü sosial şəbəkədəki səhifəsində məlumat verib.

“EVEREST - arzular gerçəkləşməlidir! Uzun müddətdir getdiyim, dəfələrlə çılğın və real olmayan hesab edərək atdığım yuxu.

Amma Everest məni buraxmadı... Və 19 may 2023-cü ildə dünyanın zirvəsinə qalxmağı bacardım və bununla da Everestin zirvəsinə qalxmağı bacaran ilk azərbaycanlı qadın oldum ki, bundan çox xoşbəxtəm və fəxr edirəm.

Bu səhər mən hələ də Everestdəki baza düşərgəsində idim, indi isə Katmanduda. Hər dəqiqə bunun həqiqət olduğunu daha çox dərk edir, baxmayaraq ki, sona qədər bütün bunları yaşaya bildiyimə hələ də inana bilmirəm.

Daha sonra bir aya yaxın davam edən ekspedisiya ilə bağlı bütün emosiyaları və hekayələri bölüşməkdən məmnun qalacağam. Bu gün isə sadəcə olaraq bu xəbəri sizinlə bölüşmək istəyirəm ki, siz də mənimlə sevinəsiniz. Everest çox gözəldir!” – yazıb Elmira Aslanova.