Oktyabr 18-də Gənc Hüquqşünaslar İctimai Birliyinin təşkilatçılığı ilə Lənkəran Gənclər Evində "Gender bərabərliyi və məişət zorakılığı" mövzusunda növbəti təlim keçirilib.

Birlikdən verilən məlumata görə, layihə Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi təşkil olunur. Cəmiyyətimizdə məişət zorakılığının qarşısının alınması, zorakılıq hallarından zərər çəkmiş şəxslərə yardımın göstərilməsi kimi mövzuları əks etdirən təlimi psixoloq təlimçi Könül Cəfərova tərəfindən keçirilib.

Qeyd edək ki, məişətdə, sosial-ictimai, iqtisadi və mədəni həyatda gender balansının qorunmasının, sağlam və faydalı həyat tərzində fərdlər arasında diskriminasiyaya yol verilməməsinin önəmi auditoriyaya çatdırılıb. Təlim zamanı məlumat xarakterli bukletlər də təlim iştirakçılarına paylanılıb.