Rusiya-Azərbaycan dostluğunun rəmzi, böyük bariton Müslüm Maqomayevin adını daşıyan Moskva yaxınlığındakı Crocus City Hall konsert zalında törədilən vəhşi terror aktı Azərbaycanı şoka salıb.

Ötən gecə yaraqlılar konsertdən əvvəl zala soxularaq, sözün əsl mənasında insanları gülləbaran etməyə başlayıblar. Nəticədə 115 nəfər ölüb, 100-dən çox insan yaralanıb. Moskva vilayətinin Səhiyyə Nazirliyinin məlumatına görə, ölənlər arasında azərbaycanlı da var. Hüquq-mühafizə orqanlarının məlumatına görə, ölənlərin sayının artacağı ehtimal edilir.

Terror aktını törətməkdə şübhəli bilinən şəxslər artıq saxlanılıb. Onlar dindirilir.

Rusiya dövlətinin başçısına və rus xalqına ilk başsağlığı verənlərdən biri də Azərbaycan prezidenti İlham Əliyev olub.

Səhər tezdən Azərbaycan sakinləri ruslara dəstək ifadə etmək üçün Rusiyanın Bakıdakı səfirliyinə gül dəstələri gətirirlər.