Xocalı işğaldan azad edildikdən sonra kütləvi məzarlıqda tapılan ər-arvadın qalıqları Azərbaycanda basdırılıb.
Xocalı soyqırımı zamanı itkin düşmüş Məhərrəm Bəsirə Vəli qızı və Məhərrəm Vaqif Cəmil oğlunun cənazəsi bu gün Bakıda, Zabrat kənd qəbiristanlığında yenidən dəfn edilib.

Qeyd edək ki, daha əvvəl Məhərrəmova Bəsir Vəli qızı və Məhərrəmova Vaqif Cəmil oğlu da daxil olmaqla 10 nəfərin qalıqlarının şəxsiyyəti müəyyən edilib.

Xatırladaq ki, Xocalının işğaldan azad edilmiş mərkəzində (keçmiş xalça fabrikinin yaxınlığında) əsaslı bərpa və tikinti işləri çərçivəsində aparılan qazıntılar zamanı məzarlıqda kütləvi insan qalıqlarının aşkarlanması ilə bağlı araşdırmalar davam etdirilir.

Göstərilən yerdə aparılan istintaq-əməliyyat tədbirləri zamanı aşkar edilmiş insan qalıqlarına baxış nəticəsində onların azı 18 nəfərə məxsus olduğu, onların arasında, ehtimal ki, dördünün azyaşlı olduğu müəyyən edilib. Onlar müxtəlif işgəncələrə, fiziki zorakılığa və pis rəftara məruz qalıblar. Bu şəxslər dini ayinlərə uyğun olaraq ayrı-ayrılıqda dəfn edilməyib, onların cəsədləri şəxsiyyətini müəyyən etmək üçün lazımi qaydada qorunub saxlanmayıb, yerlərini müəyyən etmək üçün işarələr qoyulmayıb.

Bundan əlavə, bir sıra göstəricilərə görə, aşkar edilmiş insan qalıqları ən azı 25 il əvvəl basdırılıb.