Qırğızıstan Dövlət Milli Təhlükəsizlik Komitəsinin (MTK) əməkdaşları sifarişli qətl törətmək üçün Bişkekə gələn və Qırğızıstan paytaxtında saxlanılan 5 mütəşəkkil cinayətkar qrupun üzvünü Azərbaycan Daxili İşlər Nazirliyinin nümayəndələrinə təhvil veriblər. Bu barədə Milli Təhlükəsizlik Dövlət Komitəsinin mətbuat mərkəzi məlumat yayıb.

“Aparılan əməliyyat-istintaq tədbirləri zamanı həmin şəxslərin həqiqətən də cinayətkar qruplaşmalarla əlaqəsi olması müəyyən edilib. Həmin şəxslər Qırğızıstan Respublikasının vətəndaşları üçün təhlükə törətdiklərinə görə, habelə Azərbaycanın hüquq-mühafizə orqanları ilə əvvəlcədən müəyyən edilmiş razılaşmaya uyğun olaraq onların müraciəti əsasında Manas Beynəlxalq Hava Limanının (Bişkek) ərazisində , sonuncular Azərbaycan Respublikası Daxili İşlər Nazirliyinin rəsmi nümayəndələrinə təhvil verilib”, - məlumatda deyilir.

Mətbuat mərkəzi xatırladıb ki, martın 20-də beş Azərbaycan vətəndaşı “cinayətkarlıq ideologiyasını yaymaq və gücləndirmək”, o cümlədən “cinayətkarlıq ideologiyasını, habelə xüsusilə ağır cinayət – sifarişli qətl törətmək” məqsədi ilə Qırğızıstana gəliblər.

Qırğızıstan tərəfinin fikrincə, onların hamısı “transmilli mütəşəkkil cinayətkar qrup”un üzvləridir və “mütəşəkkil cinayətkar qruplaşmanın qanunsuz fəaliyyəti ilə bağlı qanunsuz hərəkətlərdə” iştirak edirlər.