Rusiyanın xarici işlər nazirliyi yeni iddia səsləndirib

ABŞ nümayəndələri Rusiyanın San-Fransisko şəhərindəki baş konsulluq binasını tamamilə ələ keçiriblər. Binanın giriş qapıları qırılaraq axtarış aparılıb.

Açıqlamada deyilir: "Bütün xəbərdarlıqlara rəğmən, ABŞ hökuməti qeyri-qanuni niyyətlərindən vaz keçməyib. Rusiyanın San-Fransiskodakı baş konsulluğunun bütün binaları tamamilə işğal edilib. Amerikan təmsilçiləri ötən ilin dekabr ayından bu yana 5 diplomatik müəssisəmizi zorla işğal edib. Bu gün də qapılar qırılıb, içəridə axtarış aparılıb".
Rus diplomatik və konsulluqlarının toxunulmazlıqlarının ləğv edilməsinə binalara girilməsinə və işğalına icazə vermədiklərini qeyd edən XİN : "Hazırda orada olan amerikan agentlərini heç kəs dəvət etməyib. Onlar işğalçıdırlar. Onların fəaliyyəti qarşılıqlı münasibətlər tarixində misli görülməyən davranışlardır"-deyib.