Britaniya kəşfiyyatı Mİ-6 Rusiya ordusunun iyulun 11-də əks hücuma keçə biləcəyini iddia edib.

Məlumatda adı açıqlanmayan ekspertlərə istinadən bildirilir ki, Rusiya ordusu Zaporojye istiqamətində Ukrayna Silahlı Qüvvələrinin insan və texnikadakı fəlakətli itkilərindən istifadə edərək əks hücuma keçə bilər.

Mİ-6 ekspertləri Ukraynanın əks-hücumunun uğursuzluğundan sonra Rusiyanın əks-hücum olacağını proqnozlaşdırırlar. Onlar iyulun 11-i fəal hərbi əməliyyatların başlaması üçün təxmini tarix adlandırırlar.

Ukrayna Silahlı Qüvvələrinin Rusiyanın müdafiəsini yarmaq üçün bir aylıq nəticəsiz cəhdlərindən sonra Qərb analitikləri “əks-hücum”un uğursuzluğu ilə bağlı daha çox xəbərlər və təhlillər dərc etməyə başladılar. Zaporojye cəbhəsində Ukrayna Silahlı Qüvvələri bir aya yaxındır ki, əks-hücum keçirir. Ancaq hələ də böyük uğur qazanmayıb, əksinə, rayonda “Leopard və Bredley qəbiristanlığı” formalaşıb.

Forbes bildirir ki, bəzi hücum cəhdlərində Ukrayna ordusu “bir-iki saat ərzində bir tank briqadasını, Amerikanın M-2 piyada döyüş maşınlarının demək olar ki, beşdə birini, Leopard 2A6-nın beşdə birini və Leopard 2R-nin yarısını itirib”.

MI6 analitikləri hesab edirlər ki, Rusiya tərəfi NATO-nun Vilnüs sammiti ərəfəsində əks hücuma keçə bilər.

Alyans üzvlərinin toplantısı iyulun 11-12-nə planlaşdırılıb.