Türkiyənin cənub-şərqindəki Kahramanmaraş vilayətində 4,1 bal gücündə zəlzələ qeydə alınıb. Azadmedia.az xəbər verir ki, bu barədə Təbii Fəlakətlərə Nəzarət İdarəsi (AFAD) sosial şəbəkədə məlumat yayıb.

Agentliyin məlumatına görə, yeraltı təkanlar yerli vaxtla saat 11.58-də Nurhak ərazisində qeydə alınıb.

Zəlzələnin ocağı 6,99 kilometr dərinlikdə yerləşib.

Xatırladaq ki, fevralın 6-da Türkiyənin cənub-şərqindəki Kahramanmaraş vilayətində 9 saatlıq fasilə ilə 7,7 və 7,6 bal gücündə güclü zəlzələlər baş verib. Yeraltı təkanlar Suriya da daxil olmaqla ölkənin 11 əyalətində və qonşu dövlətlərdə hiss olunub. Türkiyə hakimiyyəti zəlzələni "əsrin fəlakəti" adlandırıb. Fevralın 6-da Türkiyənin cənub-şərqində baş verən zəlzələ nəticəsində ölənlərin sayı 50,5 min nəfərə çatıb.