"Ajansspor" xəbər verir ki, İstanbulun "Fənərbaxça" klubu Türkiyə Superkubokunun "Qalatasaray"la oyununu pozmağı planlaşdırır.

Türkiyə klubu yalnız 9 futbolçunu meydana buraxacaq. Onların hamısı U19 komandasından olacaq. Matçın əvvəlində üç oyunçu zədə almağa və meydanı tərk etməyə başlayacaq, buna görə komanda diskvalifikasiya olunacaq, çünki meydanda ən azı yeddi oyunçu varsa, oyun davam edə bilər. Bununla da klub aprelin 7-də baş tutacaq matça gəlmədiyi üçün cərimədən yayına bilər.

Martın sonunda “Fənərbaxça”nın liqanı dəyişmək istədiyi barədə məlumatlar ortaya çıxdı. Buna səbəb martın 17-də “Fənərbaxça” futbolçuları ilə “Trabzonspor” azarkeşləri arasında baş verən dava olub. Meydan sahiblərinin 2:3 hesabı ilə məğlub olduğu qarşılaşma Trabzonda baş tutub. Final fitindən sonra meydana çıxan azarkeş izdihamı rəqib komandanın oyunçularına hücum edərək, onlara butulka ataraq əlbəyaxa davaya səbəb olub. Hakimlər azarkeşləri sakitləşdirənə qədər futbolçular paltardəyişmə otağına sığınıblar.